|
Breuddwyd neu freuddwydion sy'n sbarduno a chynnal y byd. Mae
hyd yn oed y cyfoethog a'r mwyaf breintiedig yn ein mysg yn breuddwydio.
Dyna pam, decini, fod y Loteri wedi cael cymaint o afael ar ddychymyg
naw deg y cant a mwy o'r boblogaeth.
Onid yw'n bechod na fyddai modd sianelu yr holl frwdfrydedd i
gyfeiriad rhywbeth gwerth chweil - fel caru dy gymydog a'th gyd-ddyn
hwyrach, neu yng nghyswllt ni yma yng Nghymru, gwir adfywiad ieithyddol
Ysywaith, y natur ddynol ydi'r natur ddynol ac mae'r Loteri yn
brawf pendant (os buo angen prawf erioed) mai rhywiogaeth ddiflanedig
fyddwn ni yn y pen draw. Ond pan ddaw hi'n ddydd o brysur bwyso,
pan ddaw hi'n amser cloriannu, pa iws fydd ticed loteri gwerth
deng miliwn i ddyn bryd hynny, ysgwn i?
mae'r ddrama yma ar gael yn ein casgliad
o gyhoeddiadau.
|
