Ym mis Chwefror 1999, cyflwynodd Dalier Sylw Y Madogwys yn Neuadd
Waunfawr i lansio Gwyl John Evans - dathliad chwe mis o ddigwyddiadau
diwyllianol a chymdeithasol wedi eu trefnu gan Antur Waunfawr
i goffau yr arwr lleol. Teithiodd Y Madogwys wedyn i ganolfannau
cymuned ledled Cymru o Fawrth 2il i'r 20fed
Mae drama Gareth Miles - brodor o Waunfawr ei hunan - yn dilyn
siwrnai anhygoel John Evans yn 1792 o'i gartref yng nghefn gwlad
Cymru i bellteroedd yr Unol Daleithiau i geisio darganfod disgynyddion
Madog. Yn ystod y cynhyrchiad cawn gwrdd â Iolo Morgannwg a'i
griw yn Llundain, Thomas Jefferson a oedd yn cydnabod pwysigrwydd
John i'r Unol Daleithiau, ynghyd a'r Indiaid Brodorol a fforwyr.
'Roedd y cast yn cynnwys actorion/cerddorion o Gymru ac Indiaid
brodorol a fu'n cydweithio i greu gwead unigriw o gerddoriaeth,
dawns a defod wrth gyflwyno'r stori anhygoel hon sy'n rhagori
ar Pocahontas Disney!
Gyda chast o ddeg perfformiwr aml-dalentog o dras Cymreig ac
Indiaid Brodorol, rhy Dalier Sylw arwyddocâd cyfoes i hanes ein
pobloedd.Trwy gymysgu traddodiadau y ddau ddiwylliant ceir cyfle
arbennig i chwilio am y cyswllt rhwng y ddau. Cyfle hefyd i gryfhau
y berthynas rhwng Cymru ac America drwy'r chwedl Madog ac i gadw'r
chwedlau'n fyw...
Teyrnged i Elfed Lewys |